नेपालले बंगलादेशलाई दियो सामान्य लक्ष्य

काठमाडौं। नेपाल एसीसी यु–१९ एसिया कपको दोस्रो खेलमा बंगलादेशलाई १३१ रनको सामान्य लक्ष्य दिएको छ।

द सेभेन्स स्टेडियम, दुबईमा टस हारेर पहिला ब्याटिङ थालेको नेपालले ३१.१ ओभरमा सबै विकेट गुमाउँदै १३० रन बनाएको हो।

नेपालका अभिषेक तिवारीले सर्वाधिक ३० रन बनाए। ४३ बल खेलेका उनले २ छक्का प्रहार गरे। आशिष लोहार २३, साहिल पटेल १८ र नीरजकुमार यादव १४ रनमा आउट भए। अन्यको ब्याटिङ भने राम्रो हुन सकेन।

बंगलादेशका मोहम्मद शाबुजले सर्वाधिक ३ विकेट लिए। इस्लाम रजिन, सहरिया अल–अमिन र अजीजुल हकिम तमिमले समान २ विकेट राखे।