चिल्ड्रेन मोडल टिम च्याम्पियन

चिल्ड्रेन मोडल छैटौं ईण्डो नेपाल गोजुकाई च्याम्पियनसिप २०१८ मा टिम च्याम्पियन बन्न सफल भएको छ । चिल्ड्रेनले ५ स्वर्ण पदकका साथ टिम च्याम्पियन ट्रफी उचाल्न सफल भएको हो ।

प्रतियोगितामा पुरुष तर्फ चाँदवाग स्कुलका आरोग्य पौडेल र महिला तर्फ डियर वाककी सृष्टि महतो उत्कृष्ट खेलाडी घोषित भए । विजयी खेलाडीहरुले ट्रफी र प्रमाण पत्र प्राप्त गरे ।

नेपाल गोजुकाई कराते डो संघको आयोजनामा भएको प्रतियोगिताको पुरुष २० केजी तौलमा चाँदवागका आरोग्य पौडेलले स्वर्ण पाए । उनले एनओबिएसका सुसन माझीलाई पराजित गरे । २५ केजी तौलमा नवज्ञानभूमिका दिपेश थापालाई पाखा लगाउंदै चिल्ड्रेन मोडलका पुजन लामाले स्वर्ण कब्जा गरे । ३० केजी तौलमा नवज्ञानभूमिका दिवस जंग थापाले स्वर्ण र लुम्बिनी एकेडेमीका प्रनिश कार्कीले रजत पाए । ३५ केजी तौलमा युनाईटेड डोजोका प्रतिक पौडेलले ज्ञानज्योतीका सुवोध थापामगरलाई पाखा लगाउंदै स्वर्ण हात पारे । ४० केजी तौलमा मित्रपार्क डोजोका अभिषेक खत्रीले स्वर्ण र चिल्ड्रेन मोडलका विशाल गुरुङ्गले रजत पाए । ४५ केजी तौलमा नेशनल युनाईटेडका सुसन केसीले पहिलो स्थान हात पारे । उनले फाईनलमा प्रक्सिस स्कुलका नितेश राईलाई पराजित गरे । ५० केजी तौलमा चिल्डेन मोडलका सुवाश तामाङ्गले नेशनल युनाईटेडका आकाश श्रेष्ठलाई पराजित गर्दै स्वर्ण प्राप्त गरे । ५५ केजीमा चिल्डेनका प्रविण दनुवार र अनमोल ज्योतीका रविन यादव पहिलो र दोश्रो भए । ६० केजी तौलमा भारतका रोहित बोसलाई पराजित गर्दै नवज्ञानभूमिका सुमिर लामाले स्वर्ण पोल्टामा पारे । पुरुषकै खुल्ला तौल तर्फ टेक्सासका प्रविण रुना पियालीले स्वर्ण हात पार्दा भारतका स्वर्णभा शाहले रजत पाए । काता तर्फ भारतका स्वर्णभा शाहले स्वर्ण पाए । दोश्रो स्थानमा जगत मन्दिरका सोहेन्द्र राना रहे ।

चिल्डेन मोडल स्कुलमा भएको प्रतियोगिताको महिला २० केजी तौलमा लुम्बिनी एकेडेमीकी दिनिशा तामाङ्गले आफ्नै एकेडेमीकी प्रनिशा तामाङ्गमाथि विजयी पाईन् । २५ केजीमा ज्ञानज्योतीकी अकृश मल्लले अनमोल ज्योतीकी आयुषा बुढाथोकीलाई पाखा लगाउंदै स्वर्ण हात पारिन् । ३० केजी तौलमा नेशनल युनाईटेडकी स्वस्तिका महर्जनले स्वर्ण र अन्सु थापाले रजत पाईन् । ३५ केजीमा नवज्ञानभूमिकी अनुरती कार्कीले माउण्टभ्यू स्कुलकी अंकिता थेवेलाई पराजित गर्दै स्वर्ण हात लगाईन् । ४० केजी तौलमा चिल्डेन मोडलकी प्रिती वाईवा र नेशनल युनाईटेडकी अपेक्षा मगरले क्रमश स्वर्ण र रजत पाए । ४५ केजीमा डियर वाककी अवन्तिका श्रेष्ठले स्वर्ण र श्रृष्टि महतोले रजत पाए । ५० केजीमा नेशनल युनाईटेडकी सुष्मिता राईले नवज्ञानभूमिकी श्रेया खड्कालाई पाखा लगाउंदै स्वण प्राप्त गरिन् । महिला खुला तर्फ चिल्डेन मोडलकी दिपिका कार्कीले स्वर्ण र नेशनल युनाईटेडकी करुणा श्रेष्ठले रजत पाए । काता तर्फ नवज्ञानभूमिकी श्रेया खड्काले स्वर्ण पाईन् । उनले फाईनलमा चिल्डेनकी प्रिती वाईवालाई पछि पारेकी थिईन् ।

दुई दिने प्रतियोगिताका विजयी खेलाडीहरुलाई युवा तथा खेलकुद सचिवलगायतले पुरस्कार वितरण गरेका थिए ।