पदक विजेता खेलाडी सम्मानित

काठमाडौं । क्यामेलिया स्कुल, कालिमाटीले आईमास विश्व कराते च्याम्पियनसिपका पदक विजेता खेलाडीलाई शुक्रबार नगदसहित सम्मान गरेको छ ।

क्यामेलियाले आफ्नो २९ औं स्थापना दिवस तथा अभिभावक दिवसका अवसरमा भारतको राजस्थानमा गत जनवरीमा भएको उक्त प्रतियोगिताका स्वर्ण विजेताद्वय आयुशा तामाङ र आर्यन रन्जितलाई जनही १० हजार नगदसहित प्रशंसा पत्र प्रदान गरी सम्मान गरेको हो ।

दुवै क्यामेलियामा अध्ययनरत छन् । क्यामेलियाका साथै उक्त प्रतियोगितामा प्रशिक्षकको भूमिका निर्वाह गरेका सञ्जय रन्जितलाई पनि प्रशंसा पत्रबाट सम्मान गरियो ।

 

राष्ट्रिय खेलकुद परिषद्का सदस्य–सचिव केशवकुमार विष्टले नगद र प्रशंसा पत्र प्रदान गरी एक कार्यक्रमबीच सम्मान गरे ।