सुर्य नेपाल गल्फ टुर भोलिबाट

काठमाडौं । सुर्य नेपाल गल्फ टुर अन्तर्गतको सिजनको पहिलो प्रतियोगिता सुर्य नेपाल काठमाडौं ओपन गल्फ प्रतियोगिता भोलिबाट सुरु हुने भएको छ ।

नेपाल गल्फर एसोसियनले आइतबार पत्रकार सम्मेलन गर्दै सिजनको पहिलो प्रतियोगिता सोमबार सुरु हुने जनाएको छ ।

रोयल नेपाल गल्फ क्लबमा आयोजना हुने सुर्य नेपाल काठमाडौं ओपन बिहीबारसम चल्नेछ ।

चार दिने प्रतियोगितामा ३४ प्रोफ्रेसनल गल्फरले खेल्नेछन् ।

प्रतियोगितामा भुवन नगरकोटी, शुक्र बहादुर राई, रामे मगर र संजय लामा लगायतले प्रतिस्पर्धा गर्ने छन् । यस्तै एमेच्योर गल्फर सुवास तामाङले समेत प्रतिस्पर्धा गर्ने छन् ।

प्रतियोगिताको विजेताले १ लाख १० हजार नगद पुरस्कार पाउनेछन् । यस्तै उपविजेताले ७४ हजार तथा तेस्रोले ६० हजार पाउनेछन् । त्यसबाहेक शीर्ष २१ मा रहने खेलाडीहरुले पनि नगद पुरस्कार पाउने बताईएको छ ।