नविन र बिष्णु प्रिक्वाटरमा

त्रिभुवन आर्मी क्लबका नविन श्रेष्ठ र नेपाल पुलिसका बिष्णु कुटुवाल सातौं पुष्पलाल स्मृती राष्ट्रिय ब्याडमिन्टन प्रतियोगिताको प्रिक्वाटरमा प्रवेश गरेका छन् ।

सुनसरीको ईटहरीमा बुधबार सुरु प्रतियोगितामा नविनले सप्तरीका सन्तोष कटुवाललाई २१–६, २१–५ ले र बिष्णुले एपिएफका निरञ्जन देवकोटालाई २१–९, २१–१५को जित निकाल्दै दाश्रो चरणमा प्रवेश गरेक हुने । यस्तै एपिएफका गौतम कठायतले कञ्चनपुरका प्रकाश चन्दलाई २१–९, २१–१२ले, सरीका प्रनिष सिंह ठकुरीले सप्तरीका सुनिल परियारबाट वाक ओभर, पुलिसका जीवन आचार्यले आर्मीका दिवस संकरलाई २१–१७, २१–११ ले, ताप्लेजुङका मनकुमार लिम्बुले मोरङका अमर लिम्बुबाट वाक ओभर पाउदा एपिएफका विजित थापा मगरले आर्मीका रुकेश महर्जनलाई २२–२०, २१–१४ ले हराएर प्रिक्वाटरमा स्थान पक्का गरेका छन् ।

त्यस्तै आर्मीका प्रफुल महर्जनले मोरङका डबल गुरुङबाट वाक ओभर, पुलिसका पूर्ण थापाले दाङका तुलसी महरालाई २१–८, २१–६ले, एपिएफका सुदीप सेंढाईले सुनसरीका सुजन श्रेष्ठलाई २०–२२, २१–१४, २१–१६ले र जेष्टका सुनिल जोशीले मोरङका सुमन राईलाई २१–९, २१–११ले पराजित गर्दै प्रिक्वाटरमा स्थान बनाएका छन् ।

महिला एकलमा जेष्ट ब्याडमिन्टन एकेडेमीकी तारा आले र धनकुटाकी अरुणा तामाङ प्रिक्वाटरमा प्रवेश गरेका छन् । आलेले धनकुटाकी गिता राईलाई २१–१५, २१–१४ तथा तामाङले झापाकी अञ्जना राईलाई २१–१२, २१–१७ ले पराजित गरिन् ।

पुरुष यू – १९ तर्फ कन्चनपुरका सौरभ चन्द, मोरङका जोन जसराज, दाङका सुरज गुप्ता, जेष्टका सुनिल जोशी, आर्मीका रुकेश महर्जन, सुनसरीका क्षितिज के.सी., सोलुखुम्बुका पेम्बा शेर्पा, ताप्लेजुङका मिलन गुरुङ, आर्मीका दिवस संकर, जेष्टका प्रियान्सु क्षेत्री र कञ्चनपुरका विवेक चौधरीले प्रिक्वाटरमा स्थान बनाएका छन् ।

नेपाली कम्युनिष्ट आन्दोलनका संस्थापक पुष्पलाल श्रेष्ठको स्मृतीमा खेलकुद महासंघ आवद्ध राष्ट्रिय ब्याडमिन्टन संघले सातौं पुष्पलाल स्मृती राष्ट्रिय ब्याडमिन्टन प्रतियोगिताको आयोजना गरेको हो ।

प्रतियोगितामा पुरुष एकलमा २८ र महिला एकलमा १८ खेलाडीहरुको सहभागिता रहेको छ । त्यस्तै पुरुष जोडीतर्फ २७, महिला जोडीतर्फ ११, पुरुष यु – १९ मा १७, महिला यु – १९ मा १३ र भेट्रान्स जोडीतर्फ २७ जोडीले प्रतिस्पर्धा गर्ने छन् ।