नवौं राष्ट्रिय खेलकुद : महिला हक्कीमा आर्मी विजयी

पोखरा । गण्डकी प्रदेशमा जारी नवौं राष्ट्रिय खेलकुद अन्तर्गत महिला हक्कीमा त्रिभुवन आर्मी क्लब विजयी भएको छ ।

बिहीबार भएको पहिलो खेलमा आर्मीले मधेश प्रदेशलाई ८-० को गोल अन्तरले हराएको हो ।

खेलको पहिलो क्वाटरमा आर्मीको तर्फबाट सितामाया बलले गोल गर्न सफल भएकी थिइन् । खेलको सुरुआती ५ मिनेटमा नै बलले गोल गरेकी थिइन् । त्यस्तै खेलको ७ मिनेटमा आर्मीकै तर्फबाट सिमा खड्काले गोल गरेकी थिइन् । खेलको दोस्रो क्वाटरमा सितामाया बलले पुन एक गोल गरिन ।

१८ औं मिनेटमा उनले गोल गरेपछि २४ मिनेटमा आर्मीकै तर्फबाट कमला चन्दले पुन एक गोल गरिन । त्यस्तै तेस्रो क्वाटरमा सितामाया र सुनिता नेगिले आर्मीको लागि १-१ गोल गर्न सफल भए । ३९ औं मिनेटमा सुनिताले गोल गरेको एकमिनेट लगत्तै सितामायाले गोल गरेकी थिइन् ।

अन्तिम क्वाटर आर्मीको तर्फबाट कमला चन्द र सुनिता नेगिले पुन एक-एक गोल गरेका थिए ।

महिला हक्की अन्तर्गत नै दोस्रो खेलमा लुम्बिनी र गण्डकी प्रदेशबीच हुँदै छ ।