नवौं राष्ट्रिय : आर्मीका रामप्रसादलाई स्वर्ण

पोखरा । नवौं राष्ट्रिय खेलकुद अन्तर्गत एथलेटिक्सको पुरुष ४ सय मिटर हर्डल्समा त्रिभुवन आर्मी क्लबका रामप्रसाद थारुले स्वर्ण पदक जितेका छन् ।

पोखरा रंगशालामा बुधबार भएको खेलमा निर्धारित दुरी ५३.५३ सेकेन्डमा पूरा गर्दै थारुले स्वर्ण जितेका हुन् ।

आर्मीकै जीवन चौधरीले ५३.८९ सेकेन्डसहित रजत जित्दा एपीएफका निरप्रताप महतोले ५३.९२ सेकेन्डसहित कास्य जिते।