नेश्नल माउन्टेन बाईक च्याम्पियनसिप हुने

काठमाडौं । नेपाल साईक्लिङ संघले नेश्नल माउन्टेन बाईक च्याम्पियनसिप प्रतियोगिता पुसको पहिलो साता आयोजना गर्ने भएको छ ।

संघले पुरुष र महिला विधामा एमटीबी डाउन हिल तथा पुुरुष, महिला, जुनियर र मास्टर खेलाडी विधामा एमटीबी क्रस कन्ट्रि सञ्चालन गर्ने भएको हो ।

प्रतियोगिता पुस ४ र ५ गते काठमाडौंको गोकर्णेश्वर नगरपालिकास्थित जगडोल शहिद पार्कमा सञ्चालन गरिने संघको महासचिव रञ्जन राजभण्डारीले जानकारी दिएका छन् ।

डाउनहिलमा करिब ३० जना तथा क्रस कन्ट्रिमा करिब ५० जनाले सहभागीता जनाउने राजभण्डारीले बताए ।

प्रतियोगितामा ६ प्रदेशका २५ भन्दा बढी जिल्लाका खेलाडी सहभागी हुनेछन् । प्रतियोगिताका लागि अनलाईनमार्फत नाम दर्ता गर्न सकिनेछ ।

नेपाल साईक्लिङ संघको वेब साईटमा गएर नाम दर्ता गर्न सकिने बताईएको छ ।