खेलकुद महासंघबाट ४ जना प्रत्यक्ष निर्वाचनमा सिफारिस

काठमाडौं । अखिल नेपाल खेलकुद महासंघले चार जना पदाधिकारीलाई आसन्न प्रतिनिधि सभा निर्वाचनका लागि प्रत्यक्षतर्फ सिफारिस गरेको छ ।

महासंघले महासंघका इन्चार्ज दीपक कोईराला, अध्यक्ष शिव कोईराला, उपाध्यक्ष किरण राई र महासचिव अन्जन धमलालाई फागुन २१ को प्रतिनिधि सभा निर्वाचनका लागि प्रत्यक्षतर्फ सिफारिस गरेको हो ।

ईन्चार्ज कोईरालालाई कास्की १, अध्यक्ष कोईरालालाई काठमाडौं ७, उपाध्यक्ष राईलाई उदयपुर १ र महासचिव धमलालाई गोरखा १ निर्वाचन क्षेत्रका लागि सिफारिस गरिएको हो ।

दीपक कोईराला खेलकुद इन्चार्जको रुपमा काम गर्दै आएका छन् भने शिव कोईराला राष्ट्रिय खेलकुद परिषद्का निवर्तमान उपाध्यक्ष हुन् ।

किरण राई अखिल नेपाल फुटबल संघ एन्फामा महासचिवको रुपमा कार्यरत छन् । धमला राष्ट्रिय खेलकुद परिषद्का निवर्तमान बोर्ड सदस्य तथा ई स्पोर्ट्स संघ नेपालका अध्यक्ष हुन् ।

नेपाली कम्युष्टि पार्टीको माग अनुसार चार जनाको नाम सिफारिस गरिएको बताईएको छ ।