पदक विजेता टेबलटेनिस खेलाडीलाई एभीएमको सम्मान

काठमाडौं। भरतको सिमलामा आयोजित दक्षिण एसियाली युथ टेबलटेनिस च्याम्पियनसिप २०२६ मा नेपाललाई पदक दिलाएका ६ खेलाडीलाई एभीएम टेबलटेनिस क्लबले नगदसहित सम्मान गरेको छ।

क्लबकी महासचिव सिक्का सुवालका अनुसार पदक विजेता खेलाडीहरूलाई जनही १० हजार रुपियासहित सम्मान गरेको हो। अघिल्लो साता सम्पन्न युथ च्याम्पियनसिपमा नेपालले ३ रजत र ७ कांस्य गरी कुल १० पदक जितेको थियो।

पदक विजेता टिमका इभाना थापा, वियंका राई, अर्सना महर्जन, साइरा शाक्य, सिद्धार्थ ज्ञवाली र एरिस शाक्य सम्मानित भएका हुन्।