अन्तर्राष्ट्रिय बुदोकैदोका लागि ७ खेलाडी छनोट

काठमाडौं । फ्रान्समा कात्तिकमा हुने अन्तर्राष्ट्रिय बुदोकैदो फुलकन्ट्याक्ट कराते प्रतियोगिताका लागि नेपाल बुदोकैदो फुलकन्ट्याक्ट संघले ७ खेलाडी छनोट गरेको छ ।

नयाँबजारस्थित बहुउद्देश्यीय मार्सल आर्ट केन्द्रमा भएको छनोट प्रतियोगिताबाट पुरुष ६५ केजीमुनि नरेन्द्र महर्जन, ७५ केजीमुनि शैलेन्द्र महर्जन, ८५ केजीमुनि वीरचन्द्र नकर्मी र खुलामा वीरेन्द्र श्रेष्ठ छनोट भएको बुदोकैदो संघका अध्यक्ष काजीमान श्रेष्ठले जनाएका छन् ।

महिला ६० केजीमुनि रुपा मगर तथा खुलामा सर्मिला महर्जन छानिए । पुरुष ४० वर्षमाथि भेट्रान खुलामा काजीमान श्रेष्ठ छनोट भएको बताइएको छ ।