कोपिला नेदरल्याण्ड प्रस्थान

काठमाडौं । नेपाली राष्ट्रिय महिला भलिबल टिमका पूर्व सदस्य तथा पुलिस क्लबकी स्पाइकर कोपिला उप्रेती नेदरल्याण्ड प्रस्थान गरेकी छिन् ।

आफ्नै बारेमा निर्माण भएको वृत्तचित्र सार्वजनिक गर्ने कार्यक्रममा सहभागी हुन र बिच भलिबलको प्रशिक्षण लिन कोपिला शनिबार त्यसतर्फ प्रस्थान गरेकी हुन् ।

'मेरो डकुमेन्ट्री सार्वजनिक गर्न र बिच भलिबलको प्रशिक्षण गर्न नेदरल्याण्ड जान लागेको हुँ,' नेदरल्याण्ड प्रस्थान गर्नुअघि खेलपाटीसँग कोपिलाले भनिन् ।

नेदरल्याण्ड भलिबल फेडेरेसन र डच मिनिस्ट्री अफ फरेन एफयर्सलेले कोपिलाको भलिबल जीवनबारे बनाएको वृत्तचित्र सोमबार सार्वजनिक हुनेछ ।

नेदरल्याण्डमा जारी पुरुषको युरोपियन च्याम्पियनसिप भलिबलको फाइनल खेल दौरान वृत्तचित्र सार्वजनिक हुनेछ ।

यस्तै कोपिलाले करिब १० दिन बिच भलिबलको प्रशिक्षण लिने छिन् ।