कोरोनाविरुद्ध लड्न म्याकग्रेगरले १ मिलियन युरो सहयोग गर्ने

एजेन्सी । युएफसी फाइटर कोनोर म्याकग्रेगरले कोरोना भाईरसविरुद्ध लड्न आयरल्याण्डको एक अस्पताललाई १ मिलियन युरो बराबरको सुरक्षात्मक उपकरणहरू सहयोग गर्ने भएका छन् ।

आयरल्याण्डका अर्थमन्त्री पास्चाल डोनोहोलाई ट्वीटरको माध्यमबाट एक सन्देश पठाउदै म्याकग्रेगरले उक्त सहयोगको वाचा गरेका हुन् ।

३१ वर्षे युएफसी स्टार म्याकग्रेगरले उपलब्ध गराउने उक्त सहयोग सर्वाधिक जनसंख्या भएको प्रदेश लिनेस्टरमा पठाईने छ ।

चीनबाट फैलिएको कोरोना भाईरस आयरल्याण्डमा समेत देखिएको छ । आयरल्याण्डमा हालसम्म १३ सय २९ जनामा संक्रमण देखिएको छ ।