रत्न र गौतम क्वाटरफाइनलमा

काठमाडौं । सेनाका रत्नजित तामाङ र एपिएफका गौतम कठायत सिराहामा जारी योनेक्स सनराईज १० औं पुष्पलाल स्मृती राष्ट्रिय र्याङ्किङ ब्याडमिन्टन प्रतियोगिताको क्वाटरफाइनलमा प्रवेश गरेका छन् ।

सिराहाको गोलबजारमा जारी प्रतियोगिता अन्तर्गत पुरुषतर्फ समूह 'ए' बाट रत्नजित समूह विजेता र गौतम उपविजेता बन्दै क्वाटरफाइनलमा पुगेका हुन् ।

अब रत्नले समूह 'सी' को दोस्रो स्थानमा रहेका भोजपुरका बिकास श्रेष्ठसँग प्रतिस्पर्धा गर्ने छन् । रत्नले लिगमा ३ मा तीन खेलनै जित्दै समूह विजेता भएका हुन् ।

तीनमा दुई खेल जित्दै उपबिजेता भएका गौतमले समूह 'सी'का विजेता सेनाका प्रफुल महर्जनको सामना गर्ने भएका छन् ।

प्रफुलले ३ मा तीन जित निकालेका थिए । यस्तै बिकासले तीनमा दुई खेलमा जित निकाले ।

यस्तै समूह 'बी' बाट एपिएफका दीपेश धामी र सेनाका नविन श्रेष्ठ विजेता र उपविजेता बन्दै क्वाटरफाइनलमा प्रवेश गरे ।

दीपेशले तीनमा ३ खेलमै जित निकालेर समूह विजेता बने भने नविनले एक खेल गुमाएका थिए ।

अब दीपेशले समूह 'डी'का उपविजेता रुकेश महर्जनसँग प्रतिस्पर्धा गर्नेछन् । रुकेशले आफ्नो समूहमा तीनमा दुई जित निकाल्दै समूह उपविजेता बनेका हुन् ।

समूह 'डी' का विजेता सिल्क ग्रुपका प्रिन्स दाहालले समूह 'बी'का उपविजेता सेनाका नविन श्रेष्ठसँग प्रतिस्पर्धा गर्नेछन् । प्रिन्सले आफ्नो समूहमा शतप्रतिशत जित निकालेका थिए ।

बिहीबार भएको अन्तिम लिगमा एपिएफका गौतमले एपिएफकै सुमन लिम्बुलाई २१-९, २१-८ ले, पुलिसका सुनिल जोशीले बाँकेका इरफान अन्सारीलाई २१-१८, २१-१६ ले,
तथा सेनाका प्रफुल महर्जनले एपिएफका बिजित थापा मगरलाई २१-१६, २३-२१ ले पराजित गरे ।

सेनाका रुकेश महर्जनले पुलिका जीवन आचार्यलाई २५-२३, २१-६ ले, सेनाका रत्नजितले धादिङका सुदीप सेढाईलाई २१-११, २१-११ ले, एपिएफका दिपेश धामीले सेनाका नविन श्रेष्ठलाई २१-११, २१-१७ ले, भोजपुरका बिकाश श्रेष्ठले पुलिसका दीपक बोहरालाई २१-१५, २१-१२ ले तथा सिल्क ग्रुपका प्रिन्स दाहालले एपिएफका साजन कृष्ण ताम्राकारलाई २१-८, २१-९ ले पराजित गरे ।

महिलातर्फ समूह 'ए' मा भोजपुरकी नङ्गशल देवी तामाङ र बिराट ब्याडमिन्टन क्लबकी सिमा राजबंशी विजेता तथा उपविजेता बन्दै क्वाटरफाइनलमा प्रवेश गरेकी छिन् ।

अब नङ्गशलले समूह 'सी'की उपविजेता एपिएफकी शोभा गौचनको सामना गर्ने छिन् । नङ्गशलले समूहमा शतप्रतिशत जित निकालिन ।

यस्तै राजबंशीले समूह 'सी'की विजेता राष्ट्रिय च्याम्पियन सेनाकी रशिला महर्जनको सामना गर्नेछिन् । समूह 'बी' बाट सेनाकी अमिता गिरी र एपिएफकी सुनयना मुखिया विजेता तथा उपविजेता बन्दै क्वाटरफाइनलमा पुगेकी छिन् । अमिताले समूह 'डी' की उपविजेता अनुमाया राई र सुनयनाले एपिएफकी जेशिका गुरुङको सामना गर्ने छन् ।

प्रतियोगिताको र्याकिङ १६ बाहेकको पुरुष एकलतर्फ सेनाका पविन लिनथेपले बिराट ब्याडमिन्टन क्लबका नविन सिलवाललाई २०-२२, २१-१४, २१-१३ पराजित गरे ।

भोजपुरका बिशाल तामाङले कैलालीका रोशन खत्रीलाई २१-९, २१-७ ले, पुर्ण बहादुर थपा, पुलिसले सौरभ बम, कञ्चनपुरलाई २१-१०, २१-१७ ले, डेभिड थापामगर, सेनाले सुजन थापा, साईनो एसएचलाई २१-१७, २१-१६ले, देवराज राना, कैलालीले, रोहित बराल, कपिलबस्तुलाई २१-१२, २१-१६ ले, एशिया जबेगु, पाँचथरले भोजबहादुर गुरुङ सेनालाई २१-१६, २१-१४ले, गोकुल जोरा सेनाले, प्रियान्सु सिंह क्षेत्री, एपिएफलाई २१-१८, २१-१८ ले तथा विवेक चौधरी कञ्चनपुरले कृष्ण पाठक धनकुटालाई २१-९, २१-१० ले पराजित गरे ।

सेनाका सन्तोष पनेरुले राज बर्मा कपिलबस्तुलाई २१-१४, २१-१५ ले, शिव थापा बाँकेले रोशन साउद कैलालीलाई १९-२१, २१-१९ को सेटमा रिटायर्ड हर्ट, ईन्द्रबहादुर महता, एपिएफले नरेन्द्र बम सुर्खेतलाई २१-१८, २१-१६ ले, सुजन श्रेष्ठ बुढासुब्बा ब्याडमिन्टन एकेडेमीले निशान्त कटुवाल संखुवासभाबाट वाकओभर, दिवस शंकर सेनाले, प्रकाश चन्द कञ्चनपुरलाई २१-१६, १७-२१, २१-८ ले, पेम्बा शेर्पा सोलुखुम्बुले योगेश खड्का कैलालीलाई २१-१७, १७-२१, २१-१९ ले, आयुष्मान नागरी सेनाले अनिल मल्ल ठकुरी सुर्खेतलाई २१-१७, २१-३ ले तथा निराजन देवकोटा एपिएफले बिन्याक्स खत्री पाल्पालाई २१-१५, २१प्-११ले पराजित गर्दै राउण्ड १६ मा प्रवेश गरे ।

भेट्रान्स युगल तर्फको खेलमा ईमाडोल ब्याडमिन्टन क्लबका दिलकुमार कन्दंवा र लोक बहादुर श्रेष्ठको जोडी, बशन्त लाल बज्राचार्य र महेशमान बज्राचार्य पाल्ला, देवेन्द्र राना र चुडामणी उपाध्याय कैलाली, अनिल कुमार लाखे बाँके सुभाष श्रेष्ठ चितवन, लक्ष्मण बिसी र नारायण श्रेष्ठ रामेछाप, शोभाकर भण्डारी र नविन पराजुली पोखरा, अमर बिष्ट र संजीव श्रेष्ठ संखुवासभा, भुपाल रानामगर र चित्र थापा उदयपुर, हरि खत्री र मन बहादुर राना कालिका, पूर्णहरी होना र संजय कपाली पिस एफसी तथा जीवन बोगटी र डिल्ली राम दागी पनि आआफ्ना प्रतिद्वन्दीलाई पन्छाउँदै राउण्ड १६ मा प्रवेश गरेका छन् ।