फ्रेन्ड्स भर्सेस सरस्वती (Video Live)
काठमाडौं । पल्सर सहिद स्मारक 'ए' डिभिजन लिग अन्तर्गत अहिले ललितपुरे क्लब फ्रेन्ड्स र सरस्वती युथ क्लबले प्रतिस्पर्धा गरिरहेका छन् ।
हल्चोकस्थित एपीएफ क्लबको मैदानमा दुवै टोली पहिलो जित निकाल्ने लक्ष्यसहित मैदान उत्रिएका छन् । लिगको अघिल्ला दुई खेलमा पराजित दुवै टोली आज पहिलो जितको खोजीमा रहेका छन् ।
लिगको पहिलो खेलमा फ्रेन्ड्स रुस्लान थ्री स्टार क्लबसँग २–१ ले पराजित भएको थियो । यस्तै दोस्रो खेलमा विभागीय टोली एपीएफसँग १–० गोलले पराजित भएको थियो । एपीएफविरुद्ध उत्कृष्ट प्रदर्शन गरेपनि फ्रेन्ड्स अन्तिम समयमा सम्हालिन नसक्दा पराजित भएको थियो ।
यस्तै सरस्वती लिगको पहिलो खेलमा सिएमजी संकटा क्लबसँग १–० ले पराजित भएको थियो । त्यस्तै दोस्रो खेलमा हिमालयन शेर्पासँग १ – ० ले नै पराजित भएको थियो ।
जारी लिगमा अंक जोड्न नसकेको फ्रेन्ड्स १२ औं स्थानमा रहेको छ । यस्तै सरस्वती १३औं स्थानमा रहेका छन् ।
