च्यासलको लगातार दोस्रो जित

काठमाडौं । सहिद स्मारक ए डिभिजन लिगमा च्यासल युथ क्लबले फ्रेन्ड्स क्लबलाई पराजित गरेको छ । काठमाडौंको हलचोक मैदानमा भएको खेलमा च्यासलले लगातार दोस्रो जित निकाल्ने क्रममा फ्रेन्ड्सलाई ३–१ ले पराजित गर्यो ।

११ औ मिनेटमा च्यासलका सन्तबहादुर गुरुङले टोलीलाई सुरुवाती अग्रता दिलाएका थिए । खेलको २० औ मिनेटमा च्यासलका डिफेन्सले क्लियर गर्न नसकेको बलमा फ्रेन्ड्सले बराबरी गर्न सफल भएको हो । फ्रेन्ड्सका विकास लामाले गोल फर्काएका थिए ।

५५ औ मिनेटमा कप्तान देबेन्द्र तामाङले गोल गर्दै च्यासललाई २–१ को स्थितीमा पुर्याएका थिए । ६८ औ मिनेटमा शान्तबहादुर गुरुङले व्यक्तिगत दोस्रो गोल गर्दै च्यासलको जित सुनिश्चित गरे ।

जितपछि च्यासल १० अंक जोडेर तालिकाको सातौ स्थानमा उक्लिएको छ ।  फ्रेन्ड्स ५ अंक सहित तालिकाको १० औ स्थानमा यथवात रह्यो ।