रोहित अर्धशतक बनाउन चुके, कर्णालीलाई सामान्य लक्ष्य

काठमाडौं। रोहितकुमार पौडेल अर्धशतक बनाउन चुकेसँगै लुम्बिनी लायन्सले नेपाल प्रिमियर लिग (एनएपीएल)मा कर्णाली याक्सलाई १५७ रनको मध्यम लक्ष्य दिएको छ।

कीर्तिपुरस्थित त्रिवि क्रिकेट मैदानमा टस हारेर पहिला ब्याटिङ थालेको लुम्बिनीले निर्धारित २० ओभरमा ८ विकेट गुमाउँदै १५६ रन बनाएको हो।

लुम्बिनीका कप्तान रोहितले सर्वाधिक ४९ रन बनाए। ४३ बल खेलेका उनले ४ चौका र २ छक्का प्रहार गरे।

जेजे स्मिथले १३ बलमा २ चौका र १ छक्कासहित २३ रन बनाउँदा डार्सी सर्ट १९ रनमा आउट भए।