अब रसेल कोलकाताको ‘पावर प्रशिक्षक’

काठमाडौं। इन्डियन प्रिमियर लिग (आईपीएल) फ्रेन्चाइज कोलकाता नाइट राइडर्सले २०२६ सिजनअघि आफूलाई रिटेन नगरेपछि अलराउन्डर आन्द्रे रसेलले सन्न्यास लिने निर्णय गरेका छन्।

योसँगै उनी टोलीको सपोर्ट स्टाफमा ‘पावर प्रशिक्षक’ को रूपमा जोडिने भएका छन्।

रसेलले भिडियो सन्देशमार्फत भने,‘मैले आईपीएलबाट सन्न्यास लिने निर्णय गरिसकेको छु। म विश्वभरका विभिन्न लिग खेलिरहनेछु। आईपीएलमा बिताएको समय अद्भुत रह्यो। धेरै राम्रो यादहरू बनाएँ। छक्का हान्नु, खेल जित्नु, सर्वोत्कृष्ट खेलाडी बन्नु यी सबै अनुभवहरू सानदार रहे। तर, कहिलेकाहीँ हामीले कहाँ रोकिनुपर्छ भन्ने थाहा पाउनुपर्छ। यो निर्णय गर्दा सही समय यही लाग्यो।’