पोखरालाई हराउँदै काठमान्डु प्लेअफमा

काठमाडौं। पोखरा एभेन्जर्सलाई हराउँदै काठमान्डु गोर्खाज नेपाल प्रिमियर लिग (एनपीएल)को प्लेअफमा प्रवेश गरेको छ।

बिहीबार सम्पन्न लिग चरणको आफ्नो अन्तिम खेलमा काठमान्डुले १३ रनको जित निकालेको हो। काठमान्डुले दिएको १६६ रनको लक्ष्य पछ्याएको पोखराले निर्धारित २० ओभरमा सबै विकेट गुमाउँदै १५२ रन मात्र बनाउन सक्यो।

जितसँगै काठमान्डुले ७ खेलबाट १० अंक पुर्‍यायो। काठमान्डु प्लेअफमा पुग्ने दोस्रो टोली हो। यसअघि नै सुदूरपश्चिम रोल्यस यप्लेअफमा पुगिसकेको छ। पोखराको ६ खेलबाट ४ अंक मात्र छ।

पोखराका ऋषी धवनले सर्वाधिक ५४ रन बनाए। ३१ बल खेलेका उनले ३ चौक र २ छक्का प्रहार गरे।

धनञ्जय लक्ष्मणले ३० रन बनाए। कप्तान कुशल भुर्तेल २२ र जोसन रोय १६ रनमा आउट हुँदा अन्यले भने दोहोरो अंकमा रन बटुल्न सकेनन्।

काठमान्डुका शहाब आलमले सर्वाधिक ६ विकेट लिए। ४ ओभर बलिङ गरेका उनले २५ रन खर्चिए।