सेमिफाइनलमा सलहेश

पथरी। बिहारको बक्सरमा जारी बाबु राजमोहन मेमोरियल फुटबल गोल्डकप अन्तर्गत सोमबार सम्पन्न खेलमा सिरहाको सलहेश युवा क्लब सेमिफाइनलमा प्रवेश गरेको छ।

सलहेश युवा क्लब सिराहाले दुर्गापुर फुटबल क्लब, बङ्गाललाई १–० गोल अन्तरले पराजित गर्दै अन्तिम चारमा स्थान सुरक्षित गरेको हो। खेलको एकमात्र तथा निर्णायक गोल सलहेशका अनिस महर्जनले दोस्रो हाफको ४०औँ मिनेटमा गरेका थिए।

उत्कृष्ट प्रदर्शनका लागि अनिस महर्जन ‘प्लेयर अफ द म्याच’ घोषित भए। भारतका सात र नेपालको एक टोली सहभागी उक्त गोल्डकपको विजेताले पाँच लाख भारुसहित ट्रफी प्राप्त गर्नेछ।