टेबल टेनिसमा पुलिसलाई दुई स्वर्ण

नेपालगञ्ज । आठौं राष्ट्रिय खेलकुद अन्तर्गत टेबलटेनिसमा नेपाल पुलिस क्लबले दुई स्वर्ण जितेको छ । मंगलबार भएको दोस्रो दिनको खेलमा पुलिसले महिला टिम इभेन्ट र डबल्समा स्वर्ण जितेको हो ।

टिम इभेन्टसमा पुलिसले एपीएफलाई ३–१ को सेटमा हरायो । पुलिसकी एलिना महर्जनले एपीएफकी सेलिशा खड्गकीलाई ३–१ ले हराएकी थिईन् । नविताले एपीएफकी अनिता महर्जनलाई ३–० र सेलिशा खड्गीलाई ३–१ ले पाखा लगाईन् ।

अर्को सिंगल्समा एपीएफकी सिक्का सुवालले पुलिसकी मन्जु सुवाललाई ३–१ ले हराईन् । आर्मी र प्रदेश ३ संयुक्त रुपमा तेस्रो भए ।

दाङको घोराहीमा भएको महिला डबल्सको फाईनलमा पुलिसकी नविता र एलिनाको जोडीले आर्मीको स्वेच्छा नेम्वाङ र रविना महर्जनको जोडीलाई ११–८, ११–७ र ११–८ को सोझो सेटमा पराजित गरे ।

प्रदेश ५ की गिता अर्याल र अमृता थापा तथा एपीएफकी सेलिशा र सिक्काको जोडी तेस्रो बने ।