म्याकग्रेगर फेरि पराजित
आइतबार, २७ असार २०७८खेलपाटी संवाददाता
एजेन्सी । दुई तौल समूहको पूर्व च्याम्पियन कोनोर म्याकग्रेगर यूएफसी-२६४ फाइटमा पराजित भएका छन् ।
अमेरिकाको लास भेगासमा आइतबार बिहान चोटग्रस्त बनेका म्याकग्रेगर पूर्व लाइटवेट च्याम्पियन डस्टिन पोइरियरसँग पराजित भएका हुन् ।
पहिलो राउण्डको फाइटकै दौरान म्याकग्रेगरले खुट्टाको चोट बोक्न पुगेका थिए । डस्टिनविरुद्ध पन्च प्रहार गर्ने क्रममा उनको देब्रे खुट्टा भाचिएको थियो ।
जसको कारण म्याकग्रेगर लड्न पुगेका थिए र रेफ्रीले खेल रोकेका थिए । पछि म्याकग्रेगर स्ट्रेचरको सहयताबाट रिङबाट बाहिरिएका थिए ।
डस्टिनविरुद्ध पराजित भएपछि म्याकग्रेगरले यो अन्त्य नभएको बताए ।
'यो सकिएको हैन,' छोटो प्रतिक्रिया दिदै उनले भने ।
आयरल्याण्डका म्याकग्रेगर लगातार दोस्रो पटक डस्टिनसँग पराजित भएका हुन् ।
गत वर्ष दुबईको आबुधाबीमा म्याकग्रेगर डस्टिनसँग नकआउट भएका थिए ।
