नवौं राष्ट्रिय : पौडीमा एलेक्सलाई राष्ट्रिय कीर्तिमानसहित स्वर्ण  

पोखरा । नवौं राष्ट्रिय खेलकुद अन्तर्गत पौडीको पुरुष १०० मिटर फ्रीस्टाइलमा त्रिभुवन आर्मी क्लबका एलेक्स एलेक्जेन्डर शाह (एलेक्स)ले राष्ट्रिय कीर्तिमानसहित स्वर्ण पदक जितेका छन् ।

पोखरास्थित फिस्टेल एकेडेमीमा शनिबार भएको खेलमा एलेक्सले ५१.८७ सेकेन्डको राष्ट्रिय कीर्तिमानको समय निकाल्दै स्वर्ण पदक जितेका हुन् ।

एलेक्सले आफ्नै नामको कीर्तिमान सुधार गरेका हुन् । उनको नाममा यसअघि ५२.३० सेकेन्डको कीर्तिमान थियो ।

यस स्पर्धामा आर्मीका नासिर याह्या हुसेनले ५३.५२ सेकेन्डको समय निकाल्दै रजत जिते ।

यस्तै पुलिसका शंक बहादुर राजवंशी ५४.५२ सेकेन्डको समय निकाल्दै कास्य पदक जिते ।