डुवाना र नासिर हिट चरणबाटै बाहिर

काठमाडौं । हाङझाव एसियाडको पौडीमा प्रतिस्पर्धा गरेका नेपालका डुवाना लामा र नासिर याहा हुसैन हिट चरणबाटै बाहिरिएका छन् ।

बुधबार महिला एक सय मिटर ब्रेस्टस्ट्रोकमा पहिलो हिटमा प्रतिस्पर्धा गरेकी डुवाना सातौं स्थानमा रहिन् ।

उनले निर्धारित दूरी तय गर्न १ मिनेट २० दशमलव १५ सेकेन्ड समय लाइन् । ७ खेलाडीले प्रतिस्पर्धा थिए ।

डुवाना यसअघि महिला दुई सय मिटर फ्रिस्टाइलमा पनि हिट चरणबाटै बाहिरिएकी थिइन् ।

पुरुष २ सय मिटर फ्रिस्टाइल स्पर्धामा  दोश्रो हिटमा प्रतिस्पर्धा गरेका नासिरले निर्धारित दूरी २ मिनेट ०० दशमलव १४ सेकेन्डमा पार गरे ।

८ खेलाडी सहभागी यस स्पर्धाको हिटमा उनी सातौं भए ।