इन्डोनेसियाका बलरले लिए एकै ओभरमा ५ विकेट

काठमाडौं। इन्डोनेसियाका २८ वर्षीय दायाँ हाते तीव्र गतिका बलर गेड प्रियन्दनाले टी–२० आईमा एक ओभरमा पाँच विकेट लिएर इतिहास रचेका छन्।

मंगलबार बालीमा कम्बोडियविरुद्धको पहिलो टी–२० आईमा यो उपलब्धि हासिल गर्ने उनी विश्वका पहिलो बलर बने। १६८ रनको लक्ष्य पछ्याउँदै आएको कम्बोडिया १५ ओभरपछि पाँच विकेट गुमाएर १०६ रनमा संघर्ष गरिरहेको बेला प्रियनन्दनाले यो उपलब्धि हासिल गरे।

आफ्नो पहिलो ओभर बलिङ गर्दै प्रियनन्दनाले पहिलो तीन बलमा विकेट लिएर ह्याट्रिक पूरा गरे। त्यस क्रममा उनले शाह अब्रार हुसेन, निर्मलजीत सिंह र चान्थुन रथनकलाई आउट गरे।

त्यसपछि उनले डट बल गरे र मोङडारा सोकलाई आउट गरे। त्यसपछि उनले पेल वेनकलाई आउट गर्न वाइड बल गरे। योसँगै खेल समाप्त भयो। कम्बोडियाले त्यो ओभरमा एक रन मात्र बनायो। अन्तिम दुई विकेटको बीचमा वाइड भयो र खेल ६० रनले हार्‍यो।

यसअघि धर्मा केसुमासँग इनिङ्स ओपन गर्दा प्रियनन्दनाले ११ बलमा ६ रन बनाएका थिए । इन्डोनेसियाका लागि विकेटकिपर-ब्याटर केसुमाले ६८ बलमा आठ चौका र ६ छक्कासहित अविजित ११० रन बनाए।