१२ वर्षपछि विश्वकपमा नेपालको अर्धशतक

काठमाडौं। नेपाली ब्याटरले १२ वर्षपछि पहिलोपल्ट आईसीसी टी–२० विश्वकपमा अर्धशतक प्रहार गरेका छन्।

मुम्बईस्थित वानखेडे मैदानमा जारी खेलमा मध्यक्रमका दीपेन्द्रसिंह ऐरीले वेस्ट इन्डिजविरुद्ध अर्धशतक प्रहार गरेका हुन्।

उनले ४४ बलमा ३ चौका र २ छक्कासहित अर्धशतक पूरा गरेका हुन्। यसअघि सन् २०१४ को विश्वकपमा नेपाली टोलीका ओपनर सुवास खकुरेलले अफगानिस्तानविरुद्ध पहिलो अर्धशतक प्रहार गरेका थिए।