रजारानीमा १३औं संस्करणको रारा गोल्डकप १८ वैशाखदेखि

धनकुटा। धनकुटाको रजारानीमा १३औं संस्करणको रारा गोल्डकप १८ वैशाखदेखि सुरु हुने भएको छ। रारा फुटवल क्लबद्वारा आयोजना गरिने प्रतियोगिता वैशाख २२ गतेसम्म सञ्चालन हुनेछ।

राजारानी फुटबल मैदानमा सञ्चालन हुने प्रतियोगितामा देशका विभिन्न जिल्लाका चर्चित आठ टिमहरूको सहभागिता रहनेछ।

प्रतियोगितामा सहभागी टिममा आयोजकसहित केराबारी फुटबल क्लब, गाईघाट युनाइटेड , डाडाँबजार फुटबल क्लब, सलहेस युथ क्लब, बिर्तामोड युनाइटेड , आरआइ एफसी र धरान फुटबल क्लब रहेका छन्।

विजेताले ७ लाख प्राप्त गर्ने छ भने उपविजेताले ३ लाख प्राप्त गर्ने आयोजकका सविन अधिकारीले जानकारी दिए । अघिल्लो संस्करणमा भने झापाको बिर्तामोड युनाइटेडले उपाधि उचालेको थियो।