प्याब्सोक फुटसल भोलिदेखि

काठमाडौं। निजी तथा आवसीय विद्यालय संगठन काठमाडौं (प्याब्सोक) को आयोजनामा पाँचौं प्याब्सोक फुटसल प्रतियोगिता बुधबारदेखि हुने भएको छ ।

प्रतियोगितामा ३२ छात्र टिमको सहभागिता रहने प्याब्सोकका अध्यक्ष गेन्द्र लामाले मंगलबार आयोजित पत्रकार सम्मेलनमा जानकारी गराए । शीर्ष चार स्थानमा रहने टिमले क्रमशः १० हजार, ७ हजार, ५ हजार र ३ हजार नगद पुरस्कार पाउने प्याब्सोकका सदस्य समेत रहेका प्रतियोगिता संयोजक राजु पुडासैनीले जानकारी दिए ।

तीनदिने प्रतियोगिता सञ्चालन गर्न करिब २ लाख रुपैयाँ खर्च हुने आयोजकले जनाएको छ । खेलहरु कपनस्थित ग्रिन विस फुटसलमा हुने छ । गत संस्करणको उपाधि विट्स एकेडेमीले जितेको थियो ।