पर्वत र बाल विद्याको जित

काठमाडौं । सातौं संस्करणको अरहान्त मेमोरियल कप यू-१२ इन्टर स्कुल नाइन ए साइड फुटबल प्रतियोगिताको सुरु भएको छ ।

प्रतियोगिताको पहिलो खेलमा पर्वत इंग्लिस बोर्डिङ स्कुलले पेनाल्टी सुटआउटमा पिस जोन बोर्डिङलाई ४-३ गोल अन्तरले हराएको छ ।

दोस्रो खेलमा भू.पू इंग्लिस बोर्डिङले भुम्रे माबिलाई ९-० ले हराएको छ ।

त्यस्तै तेस्रो खेलमा द एक्सिलेन्टले गल्याङ भू.पू लाई १-० ले तथा चौंथो खेलमा बाल विद्याले एनईएमएसलाई १-० ले नै हराएको छ ।   

वालिङ युनाईटेड फुटबल क्लबको आयोजना तथा कुमार थापा संरक्षक रहेको प्रतियोगितामा १४ टोलीको सहभागिता रहेको छ ।

प्रतियोगिताको विजेताले २५ हजार नगद तथा उपविजेताले १५ हजार नगद पाउने छन् ।