प्रथम ब्रम्ह कुञ्ज जुनियर फुटसल प्रतियोगिता सुरु

काठमाडौं । काठमाडौँ ब्रम्हखेल स्थित ब्रम्ह कुञ्ज विद्यालयले प्रथम अन्तर बिद्यालय जुनियर फुटसल प्रतियोगिता आजबाट सुरु भएको छ । 

कूल ३२ टोली सहभागि जनाएको फुटसल प्रतियोगिता तीन दिनसम्म सञ्चालन हुने आयोजकले जनाएको छ । 

उमेर समूहमा खेलाइने प्रतियोगिताले फुटबलको विकास गरी बिद्यार्थीको मानसिक, शारीरिक तथा सामाजिक विकास साथै भर्चअल वर्डबाट टाढा राख्नेमा आयोजकले विश्वास व्यक्त गरेको छ । 

प्रतियोगिताको पहिलो दिन दिन ४ समूहको २४ खेल सम्पन्न भएको छ । प्रतियोगिताको उद्घाटन विद्यालयका प्रधानाध्यापक अनिल पण्डित ज्युबाट गरिएको थियो ।