जनज्योतिको फराकिलो जित

बुटवल। रुपन्देहीमा जारी यु–१४ इन्टर स्कुल फुटबल प्रतियोगिताअन्तर्गत दोस्रो दिन बोइजतर्फको पहिलो खेलमा जनज्योति सेकण्डरी स्कुलसँग सिद्धार्थ मोर्डन स्कुल ७–० ले पराजित भएको छ।

दोस्रो खेलमा नवीन माविले ब्राइट स्टार स्कुललाई २–० ले हराउँदै विजयी भयो। तेस्रो खेलमा ग्यालेक्सी बोर्डिङ स्कुल, मुर्गियाले उत्कृष्ट प्रदर्शन गर्दै कान्ती सेकण्डरी स्कुललाई ७–० को फराकिलो अन्तरले पाखा लगायो।

यस्तै, चौथो खेलमा शान्ति नमुना स्कुल, मणिग्रामले अग्रता लिए पनि ग्रिन प्लान्ट बोर्डिङ स्कुलसँग ३–१ ले हार बेहोर्नुपर्‍यो। दिनको अन्तिम खेलमा ओक्सफोर्ड सेकण्डरी स्कुल होराइजन, ड्राइभरटोलसँग १–० को झिनो अन्तरले पराजित भयो।

गर्ल्सतर्फ न्यू होराइजन बुटवलले जनज्योति स्कुलविरुद्ध वाकओभरका आधारमा ३–० को जित पायो। अर्को खेलमा सिद्धार्थ बोर्डिङ स्कुलले नवीन माविमाथि एकतर्फी जित दर्ता गर्दै दिनको खेल अन्त्य गर्यो।