कोहलपुर गोल्डकप बैशाखको तेस्रो सातादेखि

बाँके। पश्चिम नेपालको बहुप्रतिक्षित तथा प्रतिष्ठित फुटबल प्रतियोगिता कोहलपुर गोल्डकपको चौथो संस्करण बैशाखको तेस्रो सातादेखि सुरु हुने भएको छ।

बाँकेको कोहलपुर–२ तेह्रविगाह स्थित खेलमैदानमा आयोजना हुने प्रतियोगिता बैशाख १९ गतेदेखि २६ गतेसम्म हुने संयोजक कर्णबहादुर बस्नेतले जानकारी दिए।

प्रतियोगितामा ‘ए’ डिभिजनसहितका ३ सहित विदेशी २, मोफसलका क्लब २ र आयोजक १ गरी ८ टिमको सहभागिता रहने भएको छ। विजेताले ८ लाख र उपविजेताले ४ लाख रुपैयाँ पाउने छन्।