जुडो खेलाडी सोनिया हङकङ जादै

काठमाडौं । अर्जेन्टिनामा आयोजना हुने युथ ओलम्पिक खेलमा सहभागी हुने जुडो खेलाडी सोनिया भट्ट आइजेएफ बरीयताको लागि बिहिबार हङकङ जाने भएकी छिन् ।

हङकङमा आयोजना हुने एसिया कप क्याडेट र जुनियर च्याम्पियनसिपमा सोनियाले ४४ केजी तौल समूहमा प्रतिस्पर्धा गर्ने छिन् । च्याम्पियनसिप जुलाई ११ देखि १५ सम्म आयोजना हुनेछ ।

यस्तै सोनियाले मकाउमा जुलाई २० देखि २२ सम्म आयोजना हुने एसियन कप क्याडेट र जुनियर च्याम्पियनसिपमा समेत सहभागी हुनेछन् ।

सोनियासंगै प्रशिक्षकको रुपमा न्यू होराइजन जुडो क्लबकी प्रशिक्षक सुनिता मगर ताम्राकार पनि त्यसतर्फ जानेछिन् ।