मनाङको पाँचौं हार, पुलिस विजयी

काठमाडौं । सहिद स्मारक 'ए' डिभिजन लिग फुटबलमा आठ पटकको च्याम्पियन मनाङ मर्स्याङ्दी क्लबले हार व्यहोरेको छ ।

एन्फा कम्प्लेक्स सातदोबाटोमा मंगलबार मनाङलाई नेपाल पुलिस क्लबले १-० गोल अन्तरले हराएको हो ।

पुलिसको जितमा मुहमद आसिकले निर्णायक गोल गरे ।

खेलको सातौं मिनेटमा मुहमदले गोल गरेका थिए । जुन गोल पुलिसको जितमा निर्णायक रह्यो ।

पुलिसको यो दोस्रो जित हो । पुलिसले १२ खेलमा ९ अंक जोडेको छ ।

पुलिस पुछारमा रहेको छ ।

मनाङको यो लगातार पाँचौं हार हो । मनाङ १२ खेलमा १५ अंक जोडेर सातौं स्थानमा रहेको छ ।