संकटालाई हराउँदै पुलिस रेलिगेसन जोन बाहिर

काठमाडौं । विभागीय टोली नेपाल पुलिस क्लबले सहिद स्मारक ए डिभिजन लिग तालिकाको रेलिगेसन क्षेत्र छाडेको छ । 
दशरथ रंगशालामा शुक्रबार भएको खेलमा संकटा क्लबलाई २ १ गोल अन्तरले हराउँदै पुलिस अंक तालिकामा सुधार गरेको छ ।

मोजेस ग्याबा र मोहमद आशिकले पुलिसका लागि गोल गरे । संकटाका निशान खड्काले फ्रिकिकमार्फत एक गोल फर्काएका थिए । 

यस जितसँगै पुलिस ११ औं स्थानमा उक्लिएको छ । पुलिसको १७ खेलमा १९ अंक छ । 

संकटा १७ खेलमा २० अंकका साथ दशौं स्थानमा छ ।