राडुकानुलाई वाइल्ड कार्ड

काठमाडौं ।  बेलायती नम्बर एक महिला खेलाडी इम्मा राडुकानुलाई इन्डियन वेल्स टेनिसमा लागि वाइल्ड कार्ड प्रदान गरिएको छ।

विश्व वरीयताको ८० औं स्थानमा झरेपछि राडुकानुले सिधै छनोटको अवसर गुमाएकी थिइन् ।

तर, २०२१ को युएस ओपन विजेता २० वर्षीया  राडुकानुलाई वाइल्ड कार्डबाट प्रतियोगिता खेल्ने अवसर प्रदान गरिएको हो ।

अष्ट्रेलियन ओपनको दोस्रो राउण्डमा अमेरिकी खेलाडी कोको गफसँग पराजित भएपछि राडुकानुले खेलेका छैनन् ।

अमेरिकाको क्यालीफोर्नियामा हुने इन्डियन वेल्स आगामी मार्च ६ देखि १९ सम्म आयोजना हुनेछ ।